مــنــتــديــات بـــــلاد الـــــدهــــب

مرحبا بكم في شبكة بـــلاد الـــدهـــب
مــنــتــديــات بـــــلاد الـــــدهــــب

شـــبـــكـــة شـــبـــابـــيـــة نـــوبـــيـــة


    قصة ريدة بين اتنين بين مسلم و مسيحية

    شاطر

    قصة ريدة بين اتنين بين مسلم و مسيحية

    مُساهمة من طرف حسين الزيكو في الخميس 14 يناير 2010, 9:07 am

    قصه ريده بين اتنين بين مسلم ومسيحيه
    احلف ليها بالاسلام وتحلف بالمسيحيه
    ولي عقيده مابتنفات وديني كمان عزيز ليه

    الا الريده مابتعرف قيود واديان سماويه
    تدخل في قلوب الناس زي افراح ربيعيه

    انا شاب اسمر من السودان اصيل وقبيلتي جعليه
    حفيد ناس ملو التاريخ قصص وامجاد بطوليه
    في اقصى الشمال شبيت هناك في قريه عاديه
    اصلي واصوم واهدي الناس وجيت من اسره دينيه
    صدري عريض قدر تربال وكلو سماتي ريفيه
    عندي خشونه في صوتي كمان معروفه ايديه
    اجي والقاك بلا ميعاد زمامي الفتن فى ايديا

    انتي مابتخلفي عن ناسنا الهناك في قريه عاديه
    وفيها النيل وفيه نخيل وساقيه تنوح وطوريه
    عينيك زي بنات بلدي وافراحك طفوليه
    وبس لكن خدر عينيك واحنا عيونا خمريه
    وصوتك انتي لما يلوح صوت اذان وقمريه
    وفي خديك زهور نايرات مفتحه منقه هنديه

    سالتني عن السودان والخضره الطبيعيه
    عن الابنوس وسن الفيل وغابات استوائيه
    قالو ليك اسود ناسنا بياكلو الميته والحيه
    انتي جيتي تحققي الرؤيا تشوفي ادله مرئيه

    سريعك مازجت روحنا فاضت ريد وحنيه
    اتبادلنا بالاحضان ودبتي هواء وغرام فيه
    اتفارقنا من يوم داك ومااتواعدنا بالجيه
    خفت الناس يشوفوني يقولو بحب مسيحيه
    ويسمعو ناسنا بالقصه قصه حب مسيحيه

    رد: قصة ريدة بين اتنين بين مسلم و مسيحية

    مُساهمة من طرف أحمد محمد عبد الصادق في الأحد 24 يناير 2010, 3:52 am

    مجهود رائع ياحسين والف شكر على كلمات الأغنية
    avatar
    حمزة جزولي
    رئيس مجلس اداره المنتدي
    رئيس مجلس اداره المنتدي

    رد: قصة ريدة بين اتنين بين مسلم و مسيحية

    مُساهمة من طرف حمزة جزولي في الأربعاء 31 مارس 2010, 3:16 am

    احيك يا استاذ/ حسين علي مجهودك الرائع


    __________________________
    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو السبت 16 ديسمبر 2017, 12:07 am